കൊല്ലങ്കോടിന്റെ പഴയ പേരാണ് വേങ്ങനാട്. പാലക്കാട് , ചിറ്റൂരിലാണ് കൊല്ലങ്കോട്. തമിഴകപ്രഭാവം ഏറിയ സ്ഥലം. വെങ്ങുനാട് കോവിലകം സ്ഥിതി ചെയ്തിരുന്നത് കൊല്ലങ്കോട്ടാണ്. പ്രാചീനകേരളത്തിലെ പതിനേഴുനാടുകളില്‍പതിനാലാമത്തെ നാടാണത്രെ വേങ്ങനാട്. തദ്ദേശീയമായി ഇങ്ങിനെ ഒരു ഐതിഹ്യം കൂടി ഉണ്ട്. നികുലപുരം രാജാവായ ധർമ്മവർമ്മന്‍ കുഷ്ഠരോഗബാധിതനായി പത്നീസമേതം ദേശാടനം ചെയ്യുന്നതിനിടയില്‍ ഹേമാംഗവർമ്മൻ എന്നു പേരായ പുത്രന്‍ ജനിക്കുകയും ശിശുവായ ഹേമാംഗൻ നദിയിലെ ഒഴുക്കിൽ പെടുകയും, പിന്നീട് കരയ്ക്കടിഞ്ഞ ഹേമാംഗവര്‍മ്മനെ ഒരു കൊല്ലന്‍ വളർത്തുകയും ഹേമാംഗന്‍പ്രായപൂര്‍ത്തിയായ സമയത്ത് പരശുരാമന്‍ അവിടെ എത്തി കൊല്ലങ്കോട്, പയ്യലൂര്‍, വട്ടേക്കാട്, മുതലമട, വടവന്നൂര്‍ എന്നീ അഞ്ചു പ്രദേശങ്ങള്‍ ചേര്‍ത്ത് വേങ്ങനാടിലെ രാജാവായി വാഴിക്കുകയും കൊല്ലനായ വളർത്തച്ഛന്റെ ഓര്‍മ്മയ്ക്കായി ഹേമാംഗവർമ്മൻ വേങ്ങനാടിനെ ‘അയസ്കാരപുരം’ എന്ന പേരിടുകയും ചെയ്തു. “അയസ്കാരൻ ” “കൊല്ലൻ ” ആയതുകൊണ്ട് “അയസ്കാരപുരം“ എന്ന സംസ്കൃതവാക്കിന്റെ മലയാളമാണ് കൊല്ലങ്കോട് എന്നുമാണ് ആ കഥ. ഈ കോവിലകം രാജവംശത്തിന്റെ സ്വകാര്യസ്വത്താണ്‌ ഇപ്പോളും എന്നാണ്‌ അറിയുന്നത്.. എന്നാൽ ഇതിൽ ഒരെണ്ണം, 'കളരി കോവിലകം" ഇപ്പോൾ കാസിനോ ഗ്രൂപ്പ് വക ആയുർവേദ പിഴിച്ചിൽ കേന്ദ്രമാണ്.
കൊല്ലങ്കോട് കൊട്ടാരം - തൃശൂർ
തൃശൂർ നഗരത്തിലെ ഈ മനോഹരമായ കൊട്ടാരം എന്നോ എന്റെ ശ്രദ്ധ ആകർഷിച്ചതായിരുന്നു. 'പുരാവസ്തു വകുപ്പ്‌ മ്യൂസിയം' എന്ന ബോർഡ്‌ എഴുതിവച്ചിട്ടുണ്ടെങ്കിലും ഇവിടേക്ക്‌ ആരും കടന്നുചെല്ലുന്നത്‌ കാണാത്തതിനാൽ കൊട്ടാരവും മ്യൂസിയവും പ്രവർത്തനത്തിലുള്ളതാണോ എന്ന് ഞാൻ സംശയിച്ചിരുന്നു. പടികടന്ന് ചെല്ലാൻ പലപ്പോഴും ആഗ്രഹിച്ചിട്ടുണ്ടെങ്കിലും അവിടെ ആരേയും കാണാത്തതിനാൽ പിൻതിരിയുകയായിരുന്നു അന്നൊക്കെ. ഇന്ന് ആ വഴിപോയപ്പോൾ വീണ്ടും ആ പഴയ ആഗ്രഹം മനസ്സിനെ വന്നു തലോടി. 'ഉദ്യോഗസ്ഥന്മാർ ആരെങ്കിലും ഉണ്ടെങ്കിലോ! കൊട്ടാരം കാണാൻ പറ്റിയില്ലെങ്കിലും വിവരങ്ങളെങ്കിലും അറിയാമല്ലോ' എന്നൊക്കെയുള്ള ചിന്തകളാൽ ഞാൻ പടികടന്നുചെന്നു. മുൻവശത്തെ വാതിൽ തുറന്നിട്ടുണ്ട്‌. പുരാവസ്തു വകുപ്പിലെ ഒരു ഉദ്യോഗസ്ഥൻ അവിടെ ഉണ്ടായിരുന്നു. ഞാൻ കാര്യങ്ങൾ പറഞ്ഞപ്പോൾ അദ്ദേഹം പറഞ്ഞു.
- "മ്യൂസിയത്തിന്റെ പണി മുഴുവൻ ആയിട്ടില്ല. പബ്ലിക്കിന്‌ തുറന്നുകൊടുക്കുന്നതിനു മുൻപ്‌ ടിക്കറ്റ്‌ ഒക്കെ വെക്കേണ്ടതുണ്ട്‌. അതൊക്കെ ആവുന്നതേയുള്ളൂ. എന്നാലും ഈ കൊട്ടാരം കാണാനായി ആരെങ്കിലും വന്നാൽ മടക്കിവിടാറില്ല. ഇവിടെ മുകളിലെ നിലയിൽ ഒരു ചുമർചിത്ര മ്യൂസിയമുണ്ട്‌. താഴെ മഹാശിലായുഗ കാലഘട്ടത്തിൽ ലഭിച്ച വസ്തുക്കളും ശേഖരിച്ചിട്ടുണ്ട്‌."
ഞാൻ റെജിസ്റ്ററിൽ പേരും വിലാസവുമെഴുതി. ടിക്കറ്റില്ലാതെ ഒരു മ്യൂസിയം കാണാൻ അങ്ങനെ അവസരമായി. അദ്ദേഹം എന്നെ മുകളിലെ നിലയിലേക്ക്‌ ആനയിച്ചു. വീട്ടിയിൽ നിർമ്മിച്ച ഗോവണിപടികളിലൂടെ ഞാൻ നടന്നുകയറിയത്‌ ചരിത്രത്തിന്റെ മട്ടുപ്പാവിലേക്കായിരുന്നു.
കൊല്ലാങ്കോട്‌ രാജവംശം
കൊല്ലങ്കോട് രാജവംശം എന്നറിയപ്പെടുന്നത്‌ പഴയ വെങ്ങുനാട് സ്വരൂപമാണ്‌. വേങ്കനാട്ടുടയവർ, വെങ്കിന്റനാട്ടുടയവർ, വെങ്ങുനാട് നമ്പിടി എന്നിങ്ങനേയും ഈ നാടുവാഴികൾ അറിയപ്പെട്ടിരുന്നു. വെങ്ങുനാട് വലിയ നമ്പിടിയായിരുന്നു സ്വരൂപാധികാരി. 'വിരന്നിരവി' എന്ന സ്ഥാനപ്പേരും ഇവർ സ്വീകരിച്ചിരുന്നു.
ഒരു രാജാവ്‌ അധികാരമേൽക്കുന്ന ചടങ്ങുകളോടെയായിരുന്നു ഇവരുടെ സ്ഥാനാരോഹണം. അരിയിട്ടുവാഴച ഇതിന്റെ ഭാഗമായുണ്ടായിരുന്നു. കാച്ചാംകുറിശ്ശി ക്ഷേത്രത്തിൽ വച്ച്‌ ക്ഷേത്രം തന്ത്രിയാണ്‌ അരിയിട്ടുവാഴ്ച നടത്തിയിരുന്നത്‌. വെങ്കുന്റനാടുടയവരായ വീരന്നിരവിയാണ്‌ വടക്കുംനാഥ ക്ഷേത്രത്തിലെ ശ്രീമൂലസ്ഥാനം പണികഴിപ്പിച്ചതെന്ന് ഒരു ലിഖിതത്തിലുണ്ട്‌.
17ആം നൂറ്റാണ്ടിൽ സാമൂതിരി ശക്തിയാർജ്ജിച്ചപ്പോൾ കാര്യങ്ങളിൽ മാറ്റമുണ്ടായി. സ്വതന്ത്രമായി നാടുവാണിരുന്ന വെങ്ങുനാടിന്റെ അധികാരത്തിലേക്ക്‌ സാമൂതിരി കടന്നുകയറി.
ഒട്ടേറെ സവിശേഷതകൾക്ക്‌ ഉടമകളായിരുന്നു വെങ്ങുനാട് നമ്പിടിമാർ. യാഗത്തിനുവേണ്ട സോമലതയും കൃഷ്ണാജിനവും കരിങ്ങാലിയും നൽകാനുള്ള അവകാശം, പൂണൂലില്ലെങ്കിലും വലിയനമ്പിടിക്ക്‌ യാഗശാലയിൽ കടക്കാനും യാഗാധിപനായി ആവണപലകയിൽ ഇരിക്കാനുമുള്ള അധികാരം, പന്തിഭോജനം നടത്താനുള്ള അധികാരം, ക്ഷേത്രങ്ങളിൽ മെതിയടി ധരിക്കാനുള്ള അവകാശം എന്നിവയൊക്കെ വെങ്ങുനാട് നമ്പിടിമാർക്കുണ്ടായിരുന്നു.
പാലക്കാടിന്റെ കിഴക്കൻ പ്രദേശങ്ങളിൽ തെന്മലയുടെ താഴ്‌വരയുൾപ്പെട്ട പ്രദേശത്തിന്റെ അധിപനായി നാടുവാണിരുന്ന നമ്പിടിക്ക്‌ രാജസ്ഥാനം കല്‌പിച്ചുനൽകിയത്‌ മൈസൂർ രാജാവായിരുന്ന ഹൈദരാലി ആയിരുന്നു. ടിപ്പുവിന്റെ പതനത്തോടെ മലബാർ ബ്രൈട്ടീഷ്‌ ഈസ്റ്റ്‌ ഇന്ത്യാ കമ്പനിയുടെ കീഴിലായപ്പോൾ കൊല്ലങ്കോട് രാജാക്കന്മാരായ വെങ്ങുനാട്ട്‌ നമ്പിടിമാർക്കും അധികാരം നഷ്ടപ്പെട്ടു. എന്നാൽ ബ്രിട്ടീഷുകാരെ സ്വീകരിക്കുന്ന നിലപാടാണ്‌ കൊല്ലങ്കോട് നാട്ടുരാജ്യം കൈക്കൊണ്ടത്‌. ബ്രിട്ടീഷ്‌ അനുകൂല നിലപാടിന്‌ പാരിതോഷികമായി കൊല്ലങ്കോട് രാജവംശത്തിലെ അവസാനത്തെ രാജാവായ വാസുദേവരാജയ്ക്ക്‌ 1901-ൽ ബ്രിട്ടീഷുകാർ 'രാജാ' പദവി നൽകി.
മ്യൂസിയം
കൊല്ലങ്കോട് രാജവംശത്തിലെ അവസാന രാജാവായ വാസുദേവരാജ തെന്റെ മകൾക്കുവേണ്ടി പണികഴിപ്പിച്ചതാണ്‌ കൊല്ലങ്കോട് ഹൗസ്‌ എന്നറിയപ്പെടുന്ന ഈ കൊട്ടാരം. കൊല്ലങ്കോട് രാജവംശത്തിന് കൊച്ചിരാജവംശവുമായുണ്ടായിരുന്ന വൈവാഹിക ബന്ധം കാരണമാണ്‌ കൊച്ചിരാജ്യത്തിൽ ഉൾപ്പെട്ടിരുന്ന തൃശൂർ പട്ടണത്തിൽ കൊട്ടാരം പണിയാൻ കൊല്ലങ്കോട് രാജാവിന്‌ സാധിച്ചത്‌.
1975 ൽ കെട്ടിടം പുരാവസ്തു വകുപ്പ്‌ ഏറ്റെടുത്തു. നഗരമദ്ധ്യത്തിൽ ചെമ്പൂക്കാവിൽ സ്ഥിതിചെയ്യുന്ന ഈ കൊട്ടാരത്തിന്‌ ഒരു നൂറ്റാണ്ടിലേറെ പഴക്കമുണ്ട്‌. 1904 ൽ പണികഴിപ്പിച്ച ഈ കൊട്ടാരം അതിന്റെ നിർമ്മാണചാരുത കൊണ്ടും ശിൽപസൗകുമാര്യം കൊണ്ടും ശ്രദ്ധേയമാണ്‌. കേളീയ വാസ്തുശില്‌പ ശൈലിയിൽ പണിതതാണെങ്കിലും യൂറോപ്യൻ ശൈലിയും ചിഹ്നങ്ങളും നിർമ്മാണത്തിൽ തെളിഞ്ഞുകാണാം. രണ്ടുനിലകളിലായുള്ള ഈ കെട്ടിടത്തിന്റെ നിലം ഇംഗ്ലണ്ടിൽ നിന്ന് ഇറക്കുമതി ചെയ്ത വിലയേറിയ തറയോടുകൾ പാകിയതാണ്‌. മുകൾ നിലയിലെ ജാലകങ്ങൾ വിശാലമായതും ഗ്ലാസ്‌ പാനലുകൾ ഘടിപ്പിച്ചതുമാണ്‌.
പുരാവസ്തു വകുപ്പ്‌ പര്യവേഷണങ്ങളിലൂടെയും ഉദ്ഖനനങ്ങളിലൂടെയും കണ്ടെത്തിയ പുരാവശിഷ്ടങ്ങളായിരുന്നു മ്യൂസിയത്തിലെ പ്രദർശ്ശനവസ്തുക്കളിൽ സിംഹഭാഗവും. 2005 ൽ പുരാവസ്തു മ്യൂസിയം ശക്തൻ തമ്പുരാൻ കൊട്ടാരത്തിലേക്ക്‌ മാറ്റിസ്ഥാപിച്ചു. ഇതോടെ കൊല്ലങ്കോട് കൊട്ടാരം ചുവർചിത്രങ്ങൾക്ക്‌ പ്രാധാന്യം നൽകിക്കൊണ്ടുള്ള മ്യൂസിയവും പഠനകേന്ദ്രവും ആക്കി മാറ്റാൻ തീരുമാനിച്ചു. ഇതിന്റെ അടിസ്ഥാനത്തിൽ പുരാവസ്തു വകുപ്പിനു കീഴിലുള്ള മ്യുറൽ ആർട്ട്‌ സെന്റർ ഇവിടെയ്ക്ക്‌ മാറ്റുകയും ചെയ്തു.
കേരളീയ ക്ഷേത്രങ്ങളേയും പള്ളികളേയും കൊട്ടാരക്കെട്ടുകളേയും വർണ്ണാഭമാക്കുന്ന ചുവർചിത്രങ്ങളുടെ പകർപ്പുകൾ ഇവിടെ പ്രദർശ്ശിപ്പിച്ചിട്ടുണ്ട്‌. മട്ടാഞ്ചേരി കൊട്ടാരം, വടക്കുംനാഥ ക്ഷേത്രം, ചെമ്മന്തിട്ട ക്ഷേത്രം, പുതുക്കാട്‌ പള്ളി, കാഞ്ഞൂർ പള്ളി എന്നിവിടങ്ങളിലെ ചുവർചിത്രങ്ങളുടെ പകർപ്പുകളാണ്‌ ഇവിടെയുള്ളത്‌.
കൊല്ലങ്കോട് രാജകുടുംബം സർക്കാരിന്‌ കൈമാറിയ വാസുദേവരാജയുടെ കോട്ട്‌, മെതിയടി, തൊപ്പികൾ, ഫോട്ടോഗ്രാഫുകൾ എന്നിവയും ഇവിടെ പ്രദർശ്ശിപ്പിച്ചിട്ടുണ്ട്‌. കൂടതെ തനത്‌ കേരളീയ മാതൃകയിൽ നിർമ്മിക്കപ്പെട്ടിട്ടുള്ള തൃക്കുലശേഖര പുരം, തിരുവേഗപ്പുറ, തിരുവല്ല എന്നീ ക്ഷേത്രങ്ങളുടെ മാതൃകകളും ഇവിടെ പ്രദർശ്ശിപ്പിച്ചിട്ടുണ്ട്‌.
ചുമർചിത്രങ്ങളുടെ ചരിത്രവും തൃശൂരിലെ ചുമർചിത്രകലാ മ്യൂസിയത്തിന്റെ ചരിത്രവും ഇവിടെ നിന്ന് ലഭിച്ചു.
വിവരങ്ങൾ: സംസ്ഥാന പുരാവസ്തുവകുപ്പ്‌, കേരളം, കൊല്ലങ്കോട് കൊട്ടാരം - തൃശൂർ..
https://www.facebook.com/groups/416238708555189/permalink/1216733585172360/
Shebeer Khayoom
https://www.facebook.com/shebeer.khayoom/about?lst=638596203%3A100001508882797%3A1559902989
കൊല്ലങ്കോട് രാജവംശം എന്നറിയപ്പെടുന്നത്‌ പഴയ വെങ്ങുനാട് സ്വരൂപമാണ്‌. വേങ്കനാട്ടുടയവർ, വെങ്കിന്റനാട്ടുടയവർ, വെങ്ങുനാട് നമ്പിടി എന്നിങ്ങനേയും ഈ നാടുവാഴികൾ അറിയപ്പെട്ടിരുന്നു. വെങ്ങുനാട് വലിയ നമ്പിടിയായിരുന്നു സ്വരൂപാധികാരി. 'വിരന്നിരവി' എന്ന സ്ഥാനപ്പേരും ഇവർ സ്വീകരിച്ചിരുന്നു.
ഒരു രാജാവ്‌ അധികാരമേൽക്കുന്ന ചടങ്ങുകളോടെയായിരുന്നു ഇവരുടെ സ്ഥാനാരോഹണം. അരിയിട്ടുവാഴച ഇതിന്റെ ഭാഗമായുണ്ടായിരുന്നു. കാച്ചാംകുറിശ്ശി ക്ഷേത്രത്തിൽ വച്ച്‌ ക്ഷേത്രം തന്ത്രിയാണ്‌ അരിയിട്ടുവാഴ്ച നടത്തിയിരുന്നത്‌. വെങ്കുന്റനാടുടയവരായ വീരന്നിരവിയാണ്‌ വടക്കുംനാഥ ക്ഷേത്രത്തിലെ ശ്രീമൂലസ്ഥാനം പണികഴിപ്പിച്ചതെന്ന് ഒരു ലിഖിതത്തിലുണ്ട്‌.
17ആം നൂറ്റാണ്ടിൽ സാമൂതിരി ശക്തിയാർജ്ജിച്ചപ്പോൾ കാര്യങ്ങളിൽ മാറ്റമുണ്ടായി. സ്വതന്ത്രമായി നാടുവാണിരുന്ന വെങ്ങുനാടിന്റെ അധികാരത്തിലേക്ക്‌ സാമൂതിരി കടന്നുകയറി.
ഒട്ടേറെ സവിശേഷതകൾക്ക്‌ ഉടമകളായിരുന്നു വെങ്ങുനാട് നമ്പിടിമാർ. യാഗത്തിനുവേണ്ട സോമലതയും കൃഷ്ണാജിനവും കരിങ്ങാലിയും നൽകാനുള്ള അവകാശം, പൂണൂലില്ലെങ്കിലും വലിയനമ്പിടിക്ക്‌ യാഗശാലയിൽ കടക്കാനും യാഗാധിപനായി ആവണപലകയിൽ ഇരിക്കാനുമുള്ള അധികാരം, പന്തിഭോജനം നടത്താനുള്ള അധികാരം, ക്ഷേത്രങ്ങളിൽ മെതിയടി ധരിക്കാനുള്ള അവകാശം എന്നിവയൊക്കെ വെങ്ങുനാട് നമ്പിടിമാർക്കുണ്ടായിരുന്നു.
പാലക്കാടിന്റെ കിഴക്കൻ പ്രദേശങ്ങളിൽ തെന്മലയുടെ താഴ്‌വരയുൾപ്പെട്ട പ്രദേശത്തിന്റെ അധിപനായി നാടുവാണിരുന്ന നമ്പിടിക്ക്‌ രാജസ്ഥാനം കല്‌പിച്ചുനൽകിയത്‌ മൈസൂർ രാജാവായിരുന്ന ഹൈദരാലി ആയിരുന്നു. ടിപ്പുവിന്റെ പതനത്തോടെ മലബാർ ബ്രൈട്ടീഷ്‌ ഈസ്റ്റ്‌ ഇന്ത്യാ കമ്പനിയുടെ കീഴിലായപ്പോൾ കൊല്ലങ്കോട് രാജാക്കന്മാരായ വെങ്ങുനാട്ട്‌ നമ്പിടിമാർക്കും അധികാരം നഷ്ടപ്പെട്ടു. എന്നാൽ ബ്രിട്ടീഷുകാരെ സ്വീകരിക്കുന്ന നിലപാടാണ്‌ കൊല്ലങ്കോട് നാട്ടുരാജ്യം കൈക്കൊണ്ടത്‌. ബ്രിട്ടീഷ്‌ അനുകൂല നിലപാടിന്‌ പാരിതോഷികമായി കൊല്ലങ്കോട് രാജവംശത്തിലെ അവസാനത്തെ രാജാവായ വാസുദേവരാജയ്ക്ക്‌ 1901-ൽ ബ്രിട്ടീഷുകാർ 'രാജാ' പദവി നൽകി.
മ്യൂസിയം
കൊല്ലങ്കോട് രാജവംശത്തിലെ അവസാന രാജാവായ വാസുദേവരാജ തെന്റെ മകൾക്കുവേണ്ടി പണികഴിപ്പിച്ചതാണ്‌ കൊല്ലങ്കോട് ഹൗസ്‌ എന്നറിയപ്പെടുന്ന ഈ കൊട്ടാരം. കൊല്ലങ്കോട് രാജവംശത്തിന് കൊച്ചിരാജവംശവുമായുണ്ടായിരുന്ന വൈവാഹിക ബന്ധം കാരണമാണ്‌ കൊച്ചിരാജ്യത്തിൽ ഉൾപ്പെട്ടിരുന്ന തൃശൂർ പട്ടണത്തിൽ കൊട്ടാരം പണിയാൻ കൊല്ലങ്കോട് രാജാവിന്‌ സാധിച്ചത്‌.
1975 ൽ കെട്ടിടം പുരാവസ്തു വകുപ്പ്‌ ഏറ്റെടുത്തു. നഗരമദ്ധ്യത്തിൽ ചെമ്പൂക്കാവിൽ സ്ഥിതിചെയ്യുന്ന ഈ കൊട്ടാരത്തിന്‌ ഒരു നൂറ്റാണ്ടിലേറെ പഴക്കമുണ്ട്‌. 1904 ൽ പണികഴിപ്പിച്ച ഈ കൊട്ടാരം അതിന്റെ നിർമ്മാണചാരുത കൊണ്ടും ശിൽപസൗകുമാര്യം കൊണ്ടും ശ്രദ്ധേയമാണ്‌. കേളീയ വാസ്തുശില്‌പ ശൈലിയിൽ പണിതതാണെങ്കിലും യൂറോപ്യൻ ശൈലിയും ചിഹ്നങ്ങളും നിർമ്മാണത്തിൽ തെളിഞ്ഞുകാണാം. രണ്ടുനിലകളിലായുള്ള ഈ കെട്ടിടത്തിന്റെ നിലം ഇംഗ്ലണ്ടിൽ നിന്ന് ഇറക്കുമതി ചെയ്ത വിലയേറിയ തറയോടുകൾ പാകിയതാണ്‌. മുകൾ നിലയിലെ ജാലകങ്ങൾ വിശാലമായതും ഗ്ലാസ്‌ പാനലുകൾ ഘടിപ്പിച്ചതുമാണ്‌.
പുരാവസ്തു വകുപ്പ്‌ പര്യവേഷണങ്ങളിലൂടെയും ഉദ്ഖനനങ്ങളിലൂടെയും കണ്ടെത്തിയ പുരാവശിഷ്ടങ്ങളായിരുന്നു മ്യൂസിയത്തിലെ പ്രദർശ്ശനവസ്തുക്കളിൽ സിംഹഭാഗവും. 2005 ൽ പുരാവസ്തു മ്യൂസിയം ശക്തൻ തമ്പുരാൻ കൊട്ടാരത്തിലേക്ക്‌ മാറ്റിസ്ഥാപിച്ചു. ഇതോടെ കൊല്ലങ്കോട് കൊട്ടാരം ചുവർചിത്രങ്ങൾക്ക്‌ പ്രാധാന്യം നൽകിക്കൊണ്ടുള്ള മ്യൂസിയവും പഠനകേന്ദ്രവും ആക്കി മാറ്റാൻ തീരുമാനിച്ചു. ഇതിന്റെ അടിസ്ഥാനത്തിൽ പുരാവസ്തു വകുപ്പിനു കീഴിലുള്ള മ്യുറൽ ആർട്ട്‌ സെന്റർ ഇവിടെയ്ക്ക്‌ മാറ്റുകയും ചെയ്തു.
കേരളീയ ക്ഷേത്രങ്ങളേയും പള്ളികളേയും കൊട്ടാരക്കെട്ടുകളേയും വർണ്ണാഭമാക്കുന്ന ചുവർചിത്രങ്ങളുടെ പകർപ്പുകൾ ഇവിടെ പ്രദർശ്ശിപ്പിച്ചിട്ടുണ്ട്‌. മട്ടാഞ്ചേരി കൊട്ടാരം, വടക്കുംനാഥ ക്ഷേത്രം, ചെമ്മന്തിട്ട ക്ഷേത്രം, പുതുക്കാട്‌ പള്ളി, കാഞ്ഞൂർ പള്ളി എന്നിവിടങ്ങളിലെ ചുവർചിത്രങ്ങളുടെ പകർപ്പുകളാണ്‌ ഇവിടെയുള്ളത്‌.
കൊല്ലങ്കോട് രാജകുടുംബം സർക്കാരിന്‌ കൈമാറിയ വാസുദേവരാജയുടെ കോട്ട്‌, മെതിയടി, തൊപ്പികൾ, ഫോട്ടോഗ്രാഫുകൾ എന്നിവയും ഇവിടെ പ്രദർശ്ശിപ്പിച്ചിട്ടുണ്ട്‌. കൂടതെ തനത്‌ കേരളീയ മാതൃകയിൽ നിർമ്മിക്കപ്പെട്ടിട്ടുള്ള തൃക്കുലശേഖര പുരം, തിരുവേഗപ്പുറ, തിരുവല്ല എന്നീ ക്ഷേത്രങ്ങളുടെ മാതൃകകളും ഇവിടെ പ്രദർശ്ശിപ്പിച്ചിട്ടുണ്ട്‌.
ചുമർചിത്രങ്ങളുടെ ചരിത്രവും തൃശൂരിലെ ചുമർചിത്രകലാ മ്യൂസിയത്തിന്റെ ചരിത്രവും ഇവിടെ നിന്ന് ലഭിച്ചു.
വിവരങ്ങൾ: സംസ്ഥാന പുരാവസ്തുവകുപ്പ്‌, കേരളം, കൊല്ലങ്കോട് കൊട്ടാരം - തൃശൂർ..
https://www.facebook.com/groups/416238708555189/permalink/1216733585172360/
Shebeer Khayoom
https://www.facebook.com/shebeer.khayoom/about?lst=638596203%3A100001508882797%3A1559902989
About sibi kunchandy
0 comments:
Post a Comment